Kung pagbabasehan ang edad, ang mga senior citizens o nilalang na may edad na 60 at pataas ang madalas nagkakaroon ng problema sa pagtulog.

Ayon sa mga sleep psychologist ang dahilan nito ay ang tinatawag na sleep structure at hormonal changes ng lubhang umeepekto sa mga tumatandang tao.

Higit na mababaw ang tulog ng mga elderly citizens na kadalasan ay may insomnia o mga karamdamang nangangailangan ang madalas na pag-ihi habang natutulog.

Ayon sa National Sleep Foundation, isang grupo na gumagawa ng pag-aaral sa malusog na pagtulog, may 40 hanggang 70 porsiyento ng mga taong higit sa 65 anyos ang humaharap sa problema ng pagtulog.

Ngunit okay lang ba sa matatanda na makatulog ng kulang sa walong oras kumpara sa mga kabataan?

Sa nobelang “The Old Man and the Sea” ni Ernest Hemingway, idinahilan ang maigsi nang buhay ng matanda na dahilan kung bakit maaga itong nagigising sa umaga.

Ayon sa mga eksperto mali ang pagiisip na hindi gaanong mahalaga ang sapat na oras ng tulog para sa mga senior citizens.

Katulad ng mas nakababata sa kanila, ang mga matanda ay nangangailangan din ng tamang oras ng pagtulog sa pagpapanatili ng kanilang kalusugan.

Ayon sa panel ng experts na nagsagawa ng pagsusuri sa pagtulog ng matatanda, nangangailangan pa rin ang mga senior citizens ng pito hanggang walong oras kada gabi. Higit na mainam kung tuloy=tuloy ito.

Narito ang ilang sa mga tips upang madagdagan ang oras ng pagtulog:

1. Siguruhing tama ang kondisyon ng lugar na tinutulugan - tahimik, malinis, may tamang temperatura at madilim

2. Sa mga madalas magising sa kalagitnaan ng pagtulog, subukan mag-meditate ng kahit limang oras isang araw upang mapahinahon ang pag-iisip.

3. Subukan bawasan ang mga oras na inilalaan sa pagtulog sa umaga o pag-siesta

4. Gawin regular ang pag-ehersisyo. Napansin ng mga sleep psychologists na ang mga gumagawa nito ay nakakatulog ng agaran, higit namahaba at nakadarama ng de kalidad na pagtulog

5. Iwasan ang alcohol, sigarilyo, kape at pagkain ng marami bago matulog.

6. Sundan ang regular sleep schedule at bedtime routine.