Patay ang isang 62-anyos na mangingisda nang pagtatagain siya ng tatlong magsasaka habang nanonood ang bikitimang basketball sa San Fracisco, Quezon nitong Martes (Disyembre 10).

Kinilala ng mga pulis ang biktima na si Eufemio Picoro Buquil0, may-asawa at residente ng Sitio Centro Barangay Don Juan Vercelos. Nagtamo siya ng maraming sugat sa katawan at idineklarang dead on arrival sa Rural Health Unit na malapit sa pinangyarihan ng krimen.

Ayon sa mga testigo, nanonood ng larong basketball si Buquil nang lapitan ng tatlong suspek na kinilala lamang sa kanilang alyas na si Angelo, Nono at Jomar.

Maya-maya ay nakita na lamang nagtatalo ang apat ast naglabas ng itak ang mga suspek sa gitna ng kanilang sagutan.

Sabay-sabay na inundayan ng gulok ang biktima na hindi na rin nakatakbo dahil sa dami ng sugat sa katawan.

Agad nagsitakasan ang mga suspek na pinaghahanap ngayon ng pulisya.

Inaalam pa ng mga imbestigador ang motibo sa pagpatay.

Inaasahan na kakasuhan ng murder ang mga salarin dahil sa walang awang pagpatay sa biktima. Planado umano ang pag-atake.