Kinumpirma ng kilalang negosyante na si Atong Ang ang romantic relation niya kay Sunshine Cruz, dating asawa ng batikang aktor na si Cesar Montano.

Ito ay matapos na mag-viral ang video clips nina Atong at Sunshine habang naghahalikan.

Sa video, ipinakita ang aktres-singer na lumapit sa kanyang boyfriend at binigyan ito ng matapos na halik.

Sa isa pang kuha, nakita naman si Atong na lumapit kay Sunshine at madaliang tinaniman ng halik ang aktres.

Si Ang mismo umano ang nagkumpirma ng relasyon niya kay Sunshine nang ma-interview ito ni broadcaster Pinky Webb sa Bilyonaryo News Channel.

Bago nakipag-relasyon kay Atong, na kilala sa binuwag nang online Sabong, nagkaroon ng matagal na pagsasama sila ni Macky Mathay.

Sinasabing nagtayo ng “modern family” ang dalawa sapagkat pareho na itong may mga anak na kapwa tanggap sa kanila.

Tumagal ng anim na taon ang tambalang SunMak nang tinapos ni Sunshine ang kanilang pagsasama noong 2023.

Ayon sa aktres nais niyang mag-level up ang kanilang relasyon na tila wala naman pinatutunguhan sa tinagal-tagal ng panahon.

Kasal si Sunshine, 45, kay Cesar ngunit ang kanilang relasyon ay nagtapos sa annulment noong 2018. Tatlo babae ang naging anak nila - sina Angelina, Chesca at Sam.