Maganda ang pasok ng taong 2025 sa ex-girlfriend ni Kapamilya actor Anthony Jennings na si Jam Villanueva.

Inanunsyo ng dental clinic Ampong Dental Essentials na si Jam ang bago nilang brand ambassador.

Ibinahagi rin ni Jam ang larawan ng kanyang billboard sa EDSA Boni South Lane.

"I’ve moved on to brighter beginnings, all with a confident smile, thanks to @ampongdentalessentials," sabi ni Jam sa Instagram.

"I’ve weathered the perfect storms, shaping the strength and confidence I carry into 2025—Wishing everyone a brighter smile this #ChineseNewYear," dagdag niya pa.

Ibinahagi rin ng dental clinic na ang larawan ng billboard.

"Our billboard is up!" sabi ng dental clinic.

"Meet our newest ambassador, Jamela Villanueva, as she joins Ampong Dental Essentials in celebrating fresh beginnings. Because Every Smile Tells a Perfect Story."

Nakilala ng publiko si Jam matapos niyang isiwalat ang pangangaliwa ng ex-boyfriend na si Anthony at Kapamilya rising star Maris Racal.

Matapos noon ay humingi ng paumanhin sina Anthony at Maris sa kanya at sa publiko.

Bahagi ang dalawa ng TV series na "Incognito" kasama sina Daniel Padilla, Richard Gutierrez at Ian Veneracion. #