Bukod sa relief goods, nakatanggap ang higit sa 800 senior citizens ng Tabaco City, Albay ng dagdag na sorpresa nang tumulong sa pamimigay ng ayuda ang popular na South Korean aktor na si Kim Ji Soo.

Nitong Biyernes (Disyembre 6), ang laking tuwa ng mga nakatatandang Bicolano nang masilayan nila ang kakisigan ni Kim na tuwang-tuwa rin sa pakikipag biruan sa mga seniors na nasalanta ng nagdaang mga bagyo.

Marami rin dumalo na mga persons with disabilities (PWD) sa relief goods distribution program na isinagawa ng Ako Bicol Partylist representatives na sina Rep. Elizaldy S. Co at Rep. Raul Angelo “Jil” Bongalon.

Kahit hindi naman masyadong kilala ng ibang seniors si Kim, lubos pa rin ang kanilang pasasalamat dahil sa ipinakita pakikidamay sa kaniila.

“Hindi po tayo magsasawang maghatid ng tulong sa ating mga kababayan lalo na sa ating mga senior citizens at PWDs,” paliwanag ni Bongalon.

Nakatakdang mag-perform si Kim sa isang charity concert matapos ang relief distribution Biyernes ng gabi sa Ibalong Centrum for Recreation sa Legazpi City.

Darating din sa concert ang sikat na Fra Lippo Lippi, ayon sa mga Ako Bicol Partylist.